胡蓓蔚大讚豹哥好好仔，不煙不酒不追女仔！每次飯局都做村巴司機接送朋友？

胡蓓蔚（豹嫂）和單立文（豹哥）相愛25年，一直被視為是圈中的模範夫妻～早前，胡蓓蔚登上陳敏之的YouTube頻道《chi chat》作客，談及與老公的恩愛日常！當中，豹嫂更大讚豹哥不飲酒、不抽煙、不追女仔，甚至每次飯聚都會將朋友一一送回家？

豹嫂和豹哥於2008年結婚，結婚長達13年！陳敏之一開始就提問彼此是不是對方的初戀，豹嫂則激動回答：「佢幾多歲人呀？點會係初戀？如果我係佢初戀，佢先至慘呀！」

雖然兩人恩愛多年，但當中亦難免有吵架的時候，豹嫂坦言通常真的是自己做錯事，令豹哥難以忍受：「有一次飲醉酒發脾氣，佢一返到屋企就鬧我，我通常一畀人鬧就會即刻認錯，因為我想佢停止，同埋知錯；如果我係岩，當然會力爭到底！」原來豹哥不喜歡豹嫂飲酒，不過兩公婆身邊的朋友卻偏偏全都飲酒！

大讚豹哥不飲酒、不抽煙、不追女仔！

豹嫂大讚豹哥不飲酒、不抽煙、不追女仔，只講粗口！每逢豹哥、豹嫂跟朋友們聚餐，豹哥都會開車將朋友們一一送回家！豹嫂更笑指兩人的私家車叫做「村巴」，「你有無見過全村人飲醉酒，喺佢架車到返屋企嘅時候有幾嘈？」

豹哥一針見血，兩句話就將豹嫂說服？

陳敏之又提到覺得豹哥是個樂天的人，「好似天塌下來當被蓋」～豹嫂亦讚揚有豐富人生閱歷的豹哥每當豹嫂遇到決定性的時刻時，平時風趣幽默的他卻可以一針見血，用兩三句說話就將她說服！

豹嫂形容老公係「安全嘅避風港」！

提到有沒有試過精神出軌的問題，豹嫂就憶述平日跟老公睇戲時，「見到嗰個人靚仔，我會直接同他講」！不過，豹嫂就笑指老公通常望完靚女之後都不會承認！

豹哥跟「胡說八道會」的圈中好友相當熟絡，豹嫂亦絕不擔心老公跟異性親密接觸，「胡定欣、李施嬅佢哋有時會攬住佢，但佢自己一定唔會主動去攬呢啲朋友；黃智雯就成日捏我老公塊臉！」

豹嫂解釋指，豹哥感覺是一個很安全的避風港，很大隻、可靠！連陳敏之都大讚豹哥、豹嫂是絕配，相信不會有任何出軌的憂慮，恩愛程度令人羨慕！

Text：Girlstyle Editorial
Photo Source：IG@paisleyhu、YouTube片

延伸閱讀：

胡蓓蔚、單立文恩愛25年，仍如熱戀情侶～豹嫂分享愛情保鮮秘訣：當老公係仔咁對待？

李施嬅36歲生日！「胡說八道會」慶生兼催拍拖，李施嬅更生日行善為粉絲籌5萬醫藥費〜