張敬軒自爆出道慘被第一間公司呃5萬蚊！分享收過粉絲奇怪禮物？原來有個組合夢！

歌手張敬軒近日正在舉行一連18場的跨年演唱會，早前請來組合C All Star作嘉賓，一圓自己的組合夢～原來張敬軒初出道時差點就加入組合，更自爆當年簽第一間公司時，慘被騙5萬元？

張敬軒出道慘被第一間公司呃5萬元？

張敬軒在第十場演唱會介紹嘉賓C All Star出場，憶起當年初出道時簽第一間唱片公司慘遇騙案的往事～張敬軒憶述當時公司要求他先付5萬元港幣，表示會幫他做一首獨唱歌和半首合唱歌。

以為可以入男子組合！

軒仔好奇反問為何會有半首合唱歌時，公司就表示：「你個樣好似有病咁，營養不良，又黑又瘦，所以想將你打造成組合」，更將組合取名為「銀河傳說」！生為獨子的張敬軒得知可以加入組合相當興奮，認為「個台唔係自己一個，其實都幾開心呀」！

不過，對於「銀河傳說」的組合名，軒仔就解釋指，「以前廣州有個地方叫銀河，銀河等於香港嘅和合石，係公墓嚟」，更笑指「好彩最後呢個旅程無成行！」

為了一圓軒仔的組合夢，於是請來C All Star作客，獻唱《集合吧！地球保衛隊》和《留下來的人》兩首歌曲！

軒仔收過嘅奇怪禮物？

早前，軒仔亦登上澳門YouTuber加蔥的《今日R.I.P》訪談節目作客，分享自己收過fans送的驚嚇禮物！軒仔憶述有一次做完活動後收到fans送的長形盒子，打開盒後有一張紙蓋着～

揭起紙後，軒仔表示：「我呆咗一下，我反應唔到係咩嚟，原來係一撮咁長嘅頭髮，我諗佢係將自己條辮剪咗。」該名fans更在信中提到「你跟我去世的男朋友很像」，軒仔不禁表示：「喺古代，真係好愛你嘅人先會咗做」～

軒仔又分享另一次收到fans送的奇怪禮物，根據軒仔的司機和助手表示，對方是一位漂亮的女孩子，「佢特別鍾意送一啲性玩具，而且佢寫畀我嘅信係有一啲夢幻嘅性質，例如話佢去個月要去開會啦，無時間照顧你，摸住禮物就好似摸住佢咁」～

向來愛錫粉絲的軒仔更表示自己很少會掉fans的禮物，「因為好多都係佢哋親手做」。因此，由出道到現在，軒仔收到的絕大部份禮物都會放到倉庫收藏！

Text：Girlstyle Editorial
Photo Source：IG@張敬軒、陳健安、影片截圖

延伸閱讀：

張敬軒獲七師傅長文大讚，被封「下世老公」？泳兒喊住上台多謝軒仔，梁詠琪大爆暖男事蹟！

男神廚房｜男嘉賓狂獻殷勤冧女評判！陳家樂出鑽戒／張敬軒唱情歌，張振朗心形頹飯被集體嫌棄！