【東張西望】自稱「活菩薩」婆婆疑公屋內行騙？ 打噴嚏能請4神附身？講明唔可以俾太少香油錢
TVB節目《東張西望》一直為大家揭發多單大大小小的社會事件，甚至騙案！日前，節目組又收到觀眾報料，表示有婆婆以「活菩薩」為名，在公屋單位扮觀音行騙！節目組進行調查，發現婆婆靠打兩三個噴嚏就成功「請神附身」，令人難以置信？
《東張西望》早前收到一直信奉佛教的觀眾Cathy報料，表示在網上認識一名男佛教徒，以免費交收佛經為名，氹Cathy與聲稱是「活菩薩」、「佛祖化身」的婆婆見面！該男子更聲稱婆婆有神奇力量，可以讓4位菩薩同時附身！
靠打噴嚏請神附身？
於是，Cathy在半信半疑下就跟朋友一起拜訪這位「活菩薩」婆婆！Cathy敘述當時整個儀式，對方要求獲得Cathy的名字和地址後，就開始問問題，「問之前佢會打兩三個噴嚏，然後就好似變咗另一個人，菩薩附身咁樣開始答我哋問題！」
要求包多點香油錢，仲可以電子支付？
Cathy又表示，婆婆一直話她和友人「有污糟嘢」，但未有交代其他事，只給了Cathy米、香、一些花生，又教她到某些地方燒掉！Cathy當時懷疑被騙，打算包20元、30元香油錢就離開，但婆婆竟然表示菩薩話不能包這麼少！
Cathy更指：「因為我同朋友都無咁多散紙，婆婆就話佢有電子支付可以收到錢」～Cathy更表示看到有善信包了一千元！
4種菩薩同時附身？
《東張西望》節目組收到Cathy的報料後，亦經Cathy口中免費派佛經的男子約到婆婆。當日，男子帶着「放蛇」的節目組人員到油塘一個公屋單位，一百多平方尺的位置擺放了一個神壇，神壇上有很多不同的神像，包括觀音菩薩、濟公等等。
隨即，婆婆又表示「你一請菩薩，就有4種菩薩做嘢，有觀音、濟公、地藏王、彌撒！」婆婆又表示，上香之後，菩薩會借用自己的口跟善信溝通，過程有問有答。
節目組人員向婆婆求「平安家宅」，原本說話正常的婆婆突然不斷打噴嚏，接着就表示工作人員的單位「不乾淨」！不過，節目組多番追問有關單位的情況，婆婆就迴避作答，表示：「研究無用，最緊要解決」～
翁靜晶點出破綻！
為了解婆婆「菩薩附身」的真偽，《東張西望》更找來篤信佛教多年的翁靜晶作訪問。翁靜晶指出婆婆的兩大破綻，表示「濟公肯定唔屬於佛教，只係一個民間信仰，頂多只能扯到道教」。她又指，佛教禁止神通，「如果話係菩薩上身係絕對唔可能，呢種說法只係想吸引你畀錢」～
節目組事後再找婆婆解釋事件，婆婆則表示「人哋點諗係人哋嘅事，我問心無愧」～隨即就打發工作人員離開。
Text：Girlstyle Editorial
Photo Source：節目截圖
延伸閱讀：
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
