鄧健泓與李施嬅交往期間仍跟石詠莉調情！ 入行以來情史豐富？「因為有女友所以唔可以追佢！」

鄧健泓自從1997年入行以來，先後與蓋世寶、李施嬅、龔嘉欣等女藝人拍拖，情史相當豐富~不過，自從他於2017年與石詠莉結婚之後就收心養性，兩公婆婚後甜蜜恩愛！近日，鄧健泓登上陳敏之的YouTube訪談節目《Chi Chat》作客，大談識女仔的秘訣！

陳敏之提到，鄧健泓過往交往的女生都好靚。鄧健泓則表示自己很喜歡看靚的事物，「我好鍾意用欣賞嘅角度去望靚女」！

他又提到，自己可以追到靚女的另一個原因是因為細心，「當你哋講『食』好多女，但我永遠都唔會講『食女』呢兩個字，因為『食女』其實係好唔尊重女性。」鄧健泓亦提到要先做一個好的男生，學識如何有禮貌﹑做坤士，自然會吸引到好的女生。

與李施嬅交往期間跟石詠莉調情！

鄧健泓分享與老婆石詠莉的相識經過，他表示早於2007年主持《勁歌金曲》時就認識當年是女子組合Freeze成員的石詠莉，當時已經覺得她是3位成員之中最突出的女生~

鄧健泓更自爆，當年拍完節目之後會在網上與石詠莉調情，「呢啲咪就係賤格囉，我會喺微博度send message flirt (調情) 下佢。」他更表示︰「我唔可以追佢㗎，我當時有女朋友㗎，我只可以flirt佢 (調情)」！

鄧健泓當年更主動約石詠莉一起食宵夜，對方亦答應，令鄧健泓覺得可以跟她繼續溝通，「但問題始終都唔係太好嘅，我又有女朋友，我又唔知佢當時有無男朋友，結果呢一餐宵夜，我哋到今年都未食到，真係講完就算~」

回顧鄧健泓的情史，他提到主動與石詠莉調情的時期正正與李施嬅交往，2005年鄧健泓與李施嬅因為拍攝劇集《老婆大人》而擦出愛火，交往5年後分手~雖然當年鄧健泓並沒有與石詠莉外出食宵夜，不過兩人依然會間中交談幾句~

直至到2012年，鄧健泓有一晚因為難過，偶然之間聽到石詠莉翻唱鄭中基的《我代你哭》，隨即再次與石詠莉聯絡~鄧健泓又提到，相處之下才發覺石詠莉與他想像中有出入，「比大家認識嘅佢係乖好多﹑純好多」~

入行以來情史豐富！

鄧健泓入行以來情史相當豐富，於2000年與前港姐亞軍原子鏸因拍攝《男親女愛》而擦出愛火，亦曾經與《閃電傳真機》的拍檔蓋世寶相戀一年。其後，鄧健泓於2010年與龔嘉欣拍拖，直至2012年分手。後來，鄧健泓與張嘉兒傳出緋聞，不過兩人否認戀情。最終，鄧健泓情定石詠莉！

Text：Girls editorial
Photo Source：Instagram@鄧健泓，Youtube截圖

延伸閱讀：
39歲李施嬅曬巨鑽宣佈婚訊！回顧女神出道以來4段情史，與鄧健泓5年情最深刻！