張繼聰5歲女兒啜奶嘴惹網民質疑：咁大個都用奶嘴？霸氣回應：我做老竇都未慌～原來已不是第一次被網民批評

By raina on 24 Jun 2022

Digital Editor

張繼聰與太太謝安琪結婚至今15年，育有一子一女，兒子張瞻今年15歲，而女兒張靖（Kakaball）亦已經5歲。由於女兒Kakaball非常精靈可愛，Kay同張繼聰都經常在社交平台上分享Kakaball的可愛片段。近日他分的影片卻因為Kakaball食住奶嘴而受到部分網民的批評，究竟是點解呢？

網民大讚Kakaball非常可愛

近日張繼聰在網上分享了一條Kakaball的日常片段，片中的Kakaball身穿一件米奇睡衣，並啜住奶嘴在家裡不同角落向鏡頭舉手跟大家說「Hey」，超級可愛！有不少網民留言：「妹妹真係好cute cute」、「會loop一萬次」、「可愛到爆」等等，更笑言看了數十分鐘都停不到。

有網民質疑：咁大個都用奶嘴？

不過卻有網民把注意力放在Kakaball食奶嘴一事上，並留言：「咁大個都用奶嘴？」張繼聰回應：「有咩問題？」，網民留言指出擔心食奶嘴會影響孩子的嘴型和牙齒，張繼聰再回應「我嘅睇法係，大人都會有好多壞習慣，好多時仲會影響人。小朋友想食奶嘴，其實無傷大雅，佢不會24小時狂食直到18歲啩？」不少網民都表示贊同張繼聰的看法，亦引來部分家長留言分享自己孩子食奶嘴的故事。

張繼聰霸氣回應獲網民力讚

由於帖文引發大批網民熱議，張繼聰再度留言：「依個世界真係好多人關注人哋嘅小朋友點解食奶嘴，我做老竇都未慌，你哋定啲嚟啦」，引來大量網民激讚和留言。其中有家長稱她的兒子今年5歲都還未戒奶嘴，只要沒有影響到其他人就隨他吧～亦有人留言：「小朋友食奶嘴又不是食煙！做咩啫，犯法嗎」、「真心唔明有何問題，又不是24小時食住」。

2年前已被網民批評食奶嘴

其實今次已經不是Kakaball第一次被網民批評食奶嘴了。早在2年前，張繼聰也曾經在社交平台上分享了一張Kakaball的側面照，當時3歲的Kakaball背對鏡頭咬著奶嘴，也同樣引起網民批評她仍食奶嘴一事，並留言：「咁大個仲食奶嘴」、「仲食奶嘴會哨牙」。那時張繼聰也留言護女：「大人有啲嘢一世都戒唔到，無謂對啲小朋友太harsh」，更指出每個家長都有不同的方法，獲不少網民支持。

Text：Girls editorial
Photo Source：instagram@louischeung2013