Coffee林芊妤著瑜伽褲拜山惹爭議！霸氣反擊網民惡評：鍾意着咩衫係我話事！
Coffee（林芊妤）經常拍片教大家做運動，又開設了自家瑜伽服飾品牌，不時都會在IG與網民互動。日前重陽節Coffee就與家人上山拜祭親人，結果就因為穿著瑜伽褲被網民揶揄，Coffee就憤怒地將網民的留言放上Story，又指要為穿瑜伽褲外出的女生抱不平？
著瑜伽褲拜山被批評
日前Coffee就在IG上傳了數張與家人去拜山的照片，當中有網民留言「拜山都著瑜伽褲」，之後有網民回覆「佢個個性就係咁，喜歡人睇，驚死人唔認得佢」，結果就令Coffee將留言截圖上傳到IG的限時動態，寫道「啱啱先睇到呢個comment真係眼都突！」
Coffee其後再解釋：「其實當日我哋登高由山腳柴灣行到山頂凌霄閣，其實都係做緊運動，全程行到身水身汗面容扭曲，咁我想問着運動衫係有乜嘢問題？總好過我着到登台咁去拜山啦係咪？同埋我之後都係去郊外風箏場野餐同放風箏，全日都係運動日，大家認為着運動衫褲係咪好合理呢？」她又上傳重陽當日有不少人都穿瑜伽褲上山，認為大家只是穿一套平常的運動服。
Coffee再發文
之後Coffee在IG又上傳了一張身穿瑜伽服的照片，提到在香港對於女生著瑜伽褲的輿論一直有增無減，指自己不能理解為何穿自己喜歡的衣著外出要被人討論，甚至貼上壞標籤。事實上Coffee一向喜歡穿瑜伽褲外出，但網上卻不時出現大量關於女生穿瑜伽褲的輿論。
即睇更多人氣文章：
決定一個月都著瑜伽褲
Coffee決定要在之後30天都穿上瑜伽褲外出：「我決定嚟一個 ‘30days of leggings’ 無論食飯行街去Event去買餸，任何諗得出嘅場合都着leggings！」日前她已經上載穿瑜伽褲去接兒子放學的影片，貼文被不少女生轉發，甚至支持她這個行動。
公審網民行為
但由於Coffee公開網民的帳號來公審對方，竟然有網民留言「點解批評佢嘅人要俾佢Cap圖公審就要硬食」結果令Coffee再發文反問是否在網上留言就沒有責任，又指難道作為公眾人物就要默默啞忍不能Cap圖反駁？她指自己從來不會去制止別人的評論，但一樣有為自己發聲的權利。
Text：Girls editorial
Photo Source：Coffee@IG圖片
延伸閱讀：
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
