港媽怒斥迪士尼攝影師4宗罪！冇幫排隊都鬧？威脅對方若不賠償即網絡公審

By Vivian Cheung on 06 Jul 2023

Digital Editor

不少媽媽都會趁假期帶子女去迪士尼樂園享受家庭樂，更可以聘請園內專業攝影師拍下快樂的瞬間。但近日就有位港媽歷數園內攝影師「4宗罪」，更聲稱如不應允要求就即刻去迪士尼投訴！隨後對話截圖被放上討論區，遭到過百網民狠批：「真係極品西客！」

斥責攝影師冇預計天氣、冇美白

對話截圖可見，一位自稱陳氏家族的媽媽表示在迪士尼請了攝影師跟拍。首先她不滿「照片背景太多人」，更指責「作為攝影師有義搵助手幫手阻擋其他遊客，咁張相先會最靚」～她又表示攝影師因預計天氣問題，當日天氣炎熱，斥責攝影師沒有將她照片美白！

質問：點解冇代排隊？買嘢冇折扣？

這位港媽不但不滿意攝影師的拍攝技術，更怪責攝影師沒有幫忙排隊「遊樂設施嗰度你應該要搵一個人幫手排隊，冇理由剩係得旋轉木馬嘅相，過山車啲相都要有，喺餐廳啲相呢係影得幾靚，但係冇人幫我哋排隊擺位，啲相影得幾靚都冇用」；最後，她又指責攝影師在迪士尼購物居然沒有折扣，令她感到十分失望！

若不應允賠償即公審

陳媽媽不僅歷數「4大不滿」，更貼心為對方謀劃解決方法作為賠償：「你唔想我投訴你，我幫你諗咗一個方法你做賠償，俾我哋家族任影三個鐘頭。」更大方表示：「迪士尼食飯嗰啲我畀，請埋你助手，但係自己要自費買迪士尼入場券」。陳媽媽最後更疑似威脅稱：「如果你唔應承嘅，我就會擺你上網，我係迪士尼投訴你！你諗諗啦！」

遭網民狠批：極品西客！

怎料陳媽媽還未將攝影師放上網，她就先被放上網公審～而網民的評論一面倒，紛紛指責港媽要求十分無理，「佢應該包起個樂樂園任影」、「第一次知攝影師包排隊！」、「過山車點樣影相呀？」、「真係極品西客！」、「惡過黑社會」等等。無論是迪士尼樂園的攝影師還是外面的私影，作為攝影師真的沒有義務幫忙排隊，就算是商品折扣也無義務一起分享～更有網民質疑有關對話是否已涉及恐嚇罪。