陳自瑤自爆「有人專揀有婦之夫埋手」 大談昔日夜蒲史！認傳統唔相信酒吧有真愛？

由陳自瑤（Yoyo）、賴慰玲、黎諾懿及羅天宇主持的TVB清談節目《香港婚後事》，最新一集邀來相愛28載的單立文（豹哥）和胡蓓蔚（豹嫂）大談結婚和出軌問題；而陳自瑤不僅自爆昔日夜蒲的豔遇，在談論到出軌話題時更正色道：「有人專揀有婦之夫/有夫之婦下手」引起網民熱議。

豹哥：婚姻需要忍耐力維繫

節目談論到婚後出軌的話題，賴慰玲則分享了一個真實故事，她說道一對三十多歲的夫婦，結婚數年感情十分穩定，還不時聽到隔離屋「翻雲覆雨」的聲音，之後更有極其震撼的事情發生在男事主身上；豹哥聽完後即分析說：「婚姻耐咗，你會受到啲莫名其妙嘅嘢引誘，好奇就害死貓，好奇心係人類天生本性，婚姻就係要有忍耐力先維繫到！」

陳自瑤：有人專揀有婦之夫埋手

陳自瑤就順勢問到豹哥、豹嫂有否曾經想出軌？豹哥Man就表示：「如果你（結婚時）立咗誓，同佢（另一半）講過我愛你一生一世，如果做唔到嘅話，你根本就唔係男人，係咪呀？」其後陳自瑤就說到有人專揀「有婦之夫/有夫之婦」下手，豹嫂即問到：「有呢啲人咩？」陳自瑤正色說到：「有，好多呀！」回答十分耐人尋味。

自認傳統不相信酒吧有真愛

其後，四位主持人一齊去酒吧Happy Hour，大談昔日蒲史！陳自瑤就自爆去蒲的次數不多：「同朋友去過幾次，仲會去跳舞添。」黎諾懿聽聞後就問她有否有過豔遇，Yoyo就直言：「有嘅，會有人行埋嚟話：『你好靚喎。』但係我冇Show佢。」其他主持就問她是否覺得酒吧沒有真愛，她就自認傳統，直言男人若是在酒吧這樣撩女，即是「慣犯」！

Text：GirlStyle Editorial
Photo source：youtube/tvb official