男女通殺！6位女神秒變女神經嘅明星，只有真女神先唔怕分享自己女神經嘅一刻呀！

好多外表美麗嘅女仔其實內裏都有一種瘋癲嘅可愛特質，個性夠真配上甜美嘅外表，絕對係男女通殺呀！以下6位女神秒變女神經一刻嘅女藝人，其實真正靚嘅女生即使扮醜都依然散發著真女神嘅氣質，只有真女神先唔怕分享自己女神經嘅一刻呀！

1. 陳法拉

相信話佢係女神絕對唔好有人會反對！近日法拉除咗忙學業，都不忘與粉絲互動，係IG POST咗一張可愛到爆燈嘅小丑相，雖然哩張相令佢形象盡毀，但真女神法拉又點會介意！

雖然近年法拉都表不想專注學業，已經冇再係大台拍劇，但法拉都有為我哋送上佢嘅角色自畫像比粉絲，等我哋可以睇到演緊不一樣嘅角色嘅佢呀～

法拉有時真係會不顧形象，做返可愛嘅自己～

2. 朱千雪

千雪bb絕對係近年有氣質，性格夠真，樣又靚靚嘅女藝人，單係睇佢哩張扮成美人魚睡姿嘅樣，真係夠冧死一眾粉絲呀～

相信大家仍然對係《EU超時任務》嘅千雪bb印象深刻，係劇集擔正女主角嘅佢，可愛表情多多，演技夠真夠自然，完全為佢吸納到更多粉絲呀！

鬼馬嘅千雪bb教你秒變女神經，哩一秒同渠頭影靚相！

下一秒背著渠頭做出超可愛嘅表情，絕對係女神經嘅代表！

無論性格同外貌都真係無得輸，難怪千雪bb咁得人歡心，絕對係近年少數男女都通殺嘅女星之一呀～

3. 黃翠如

翠如bb由有線轉做無線拍劇後，因為係《心路GPS》所演嘅角色陽光嘅性格，就已經開始引來唔少高登網民嘅關注，仲被大家獲封為新一代女神「翠如BB」，自此就人氣急升～

翠如bb唔單止個性夠陽光，佢嘅甜笑樣子絕對可以令一眾宅男心動，平易近人嘅個性唔會令人有太大距離感！

女神翠如bb除咗會分享平日嘅工作相，都不時會post一啲生活日常相，好似哩張敷maks嘅樣！其實敷maks都好難影得靚，但五官標誌嘅翠如bb就點影都難唔到佢～

而每次翠如bb同佢嘅好朋友兼螢幕情侶一齊嘅時候，都可以好放得開，完全係發揮到女神經嘅真個性呀～

4. 楊丞琳

講到女神經，當然唔少得可愛教主楊丞琳，樣靚唱歌好聽，完全係實力同偶像派嘅最佳代表！

其實哩個髮型真係唔係人人都可以駕馭得到，因為個個臉型都唔同，紥得唔好，好易出事，分分鐘變咗女神經～

可愛教主以前真係有好多可愛表情，而最令人印象深刻一定就係哩個土撥鼠嘅樣子，就咁睇張相，先發現女神同女神經真係一線之差！

＼

因為以前有做開綜藝節目主持，所以咩搞笑表情對佢嚟講都唔會有難度，更加唔會有任何偶像包袱呀～

5. 田馥甄

S.H.E.嘅HEBE田馥甄絕對係組合入面擔當住冰山美人嘅角色，平時係人前都會有著一個女神樣，唱歌好聽，樣子甜美，又甚少同其他藝人交談，令更多人都想認識佢～

HEBE不論係表演定彩排都一樣非常投入其中呀！

不過當佢同其他兩位好姊妹ELLA同SELINA一齊時，就會好似瞬間變咗另一個人咁，好似咁佢哋感染咗，會做好多鬼馬動作，而且說話都多咗呀～

雖然女神做咩動作就依然會係女神，但見到HEBE跟著ELLA做哩個動作，都真係有種搞笑嘅感覺，睇嚟真係要係兩位好姊妹面前，HEBE先會展現出真個性～

6. 林依晨

自惡作劇之吻播出後，「晨神」嘅人氣就一直都咁高～

雖然林依晨要結婚時令到好多男生都心碎，不過無論結婚前後嘅佢，樣子依然咁年輕，永遠都好似個大細路咁可愛，一眾男粉絲都瞬間心動啦～

去到外地玩，「晨神」都要鬼馬跟著啲公仔做一模一樣嘅動作，真係好可愛呀！

大家都專心睇有咩買，「晨神」嘅表情已經搶去咗焦點，成功吸引到所有人嘅目光～

無論係女神定女神經，其實佢咃係個性上已經深得更鍾意，絕對係極具觀眾緣～

Source: Instagram/ Facebook/ TVB