千雪BB、唐寧最靚！6位女神實測大熱「卸妝神APP」，估下邊個素顏最得人驚？

唔少女仔POST相之前都有執相嘅習慣，唔好話美白，推一推甚至仲可以無痛瘦面瘦身，都咪話唔扼得吓人！不過有得美顏又點會冇得素顏！各位女神嘅剋星嚟喇，近期網民瘋玩嘅「Makeapp」就可以一鍵由化好妝還原到素顏樣，小編今次實測咗6位女神級人馬，睇下邊個素顏最得人驚！

#唐寧

其實凍齡女神唐寧平時都係化好淡妝，除咗超童顏之外皮膚仲係好似BB咁吹彈可破，真係照妖鏡都唔夠佢嚟啊！

呢個APP除咗會幫你卸走啲妝之外，仲會靜雞雞幫加深埋個黑眼圈同埋令到你膚色暗啞啲，諗落又真係幾似女仔卸妝嘅情境！

睇完唐寧素顏相，發現呢個app絕對係醜化咗佢！

#岑麗香

話香香係女神相信真係冇心會反對，就算係呢個咁邪惡嘅素顏APP魔掌之下都一樣咁靚！卸完妝之後仲更加清秀添～公平咩！

不過小編發現正面相嘅威力係比37面強啲嘅....

真素顏香香一樣咁有仙氣～素顏出街完全冇有怕！

#朱千雪

講到女神又點少得千雪BB？雖然化咗妝之後的確更明艷照人，不過素顏都絕對係個真‧靚女嚟！

咁樣拼埋有對比效果點都會誇張小小！

不過除咗個面色之外，其實個app嘅還原度又真係幾高！

#Angelababy

貴為唔少女仔整容範本嘅baby，唔知素顏又係點？

只能夠講句，BABY個樣真係好上妝！

#阿SA

出名童顏嘅夠SA平時都係以淡妝為主，素顏樣仲即時減埋齡！

點解做明星成日捱都仲咁keep得咁好架！

#王心穎

嗱！公道講句，又唔係話真係好似蔡一智嘅.....不過係有少少似咁囉......

我諗差得最多嘅都可以話係心穎BB喇，一秒變男人亦得得咗～

其實個APP真係幾神還原！

呢個APP除左有REMOVE MAKEUP玩之外，仲有ADD MAKEUP玩！不過小編覺得REMOVE MAKEUP呢個功能就出色啲～大家想睇邊個素顏都可以快啲DOWNLOAD嚟玩！整完有咩開心大發現記得同小編開心SHARE～

source: presslogic、instagram