為港爭光！香港劍擊美少年崔浩然勇奪全運會花劍銀牌，竟是Got7 Jackson好友！？

崔浩然Nicholas上一屆全運會已經幫香港劍擊取得零的突破，拎咗一面銅牌返嚟～今次更進一步，喺尋日嘅全運會花劍項目之中，奪得全運會花劍銀牌！除此之外，原來佢係Got 7成員王嘉爾Jackson嘅摯友嚟咖！

9歲開始學劍擊，14歲已經係香港代表隊嘅Nicholas而家係全職嘅運動員，以佢俊俏嘅外表係娛樂圈發展真係完全冇難度呀～

外型非常討好嘅Nicholas打扮好似韓星，唔知係咪跟得Jackson多，連打扮都似埋呢？

Nicholas鼻高高眼大大，真係幾吸引～再加埋超勁嘅劍擊實力，真係令一眾女生心心眼呀 ♥

由細細個就同Jackson一齊玩劍擊，兩人更加一齊被入選倫敦奧運香港劍擊代表隊～不過Jackson因為追明星夢而去咗韓國JYP做練習生，而家兩個人都發展得好好，相信佢地私底下成日都會同對方加油～

其實佢地好似成日都會見對方～Jackson嘅Fans仲好鐘意佢地呢對「竹馬Line」！

除咗有Post相支持Jackson出道之外，Nicholas仲有去Jackson嘅演唱會為佢打氣，一班Jackson嘅Fans仲成日係佢啲相留言問「會唔會去睇演唱會／有冇見到Jackson」之類嘅問題～

Nicholas有時亦都會係IG打埋韓文比啲韓國朋友睇，識得幾國語言嘅男仔真係好殺食呀～

希望崔浩然Nicholas繼續努力，為香港爭光～我地一齊為呢個小鮮肉劍擊界男神加油啦！

Text Source：Girls Editorial

Photo Source：WeiBo, Instagram