【聖誕必去打卡位】Doodle Art突襲尖沙咀聖誕佈置，影靚相玩Game兼做善事〜

Lifestyle 生活 Trendy 人氣熱話 Photography 打卡攝影

By Helen on 22 Nov 2017

Senior Editor

唇膏控＋貓奴，熱愛日韓妝

今年聖誕，Mira Place 同英國破格 Pop Art 塗鴉藝術家 Mr. Doodle 攜手創作其亞洲區首個藝術項目《DOO Something This Christmas》，以佢獨特嘅密集式塗鴉 (Doodle Art) 為多個倫敦名勝改頭換面，讓大家感受不一樣的佳節氣氛！

來自倫敦的Mr. Doodle 被稱為「瘋狂藝術家」，顛覆一貫塗鴉的原始規律，無需預備就可以喺任何地方極速完成故事性及結構兼備嘅畫作，好多國際品牌，包括MTV、Vidal Sassoon、BBC、Adidas、Converse、SONY等，都搵過佢合作㗎！

等小編率先為大家Mark低必去打卡位啦！

最矚目嘅一定係Mira Place中庭依架激罕原裝倫敦的士，Mr. Doodle更親自為車身畫上型格圖案，隨便係的士前面擺個Pose都可以放上IG呃Like啦〜

仲有其他倫敦嘅地標名勝，好似大笨鐘、地下鐵、電話亭都通通佈滿瘋狂的 Doodle 圖案。現場更可以「藝裝」聖誕咭，等你透過互動拍攝裝置，DIY個人化電子聖誕咭，加埋Doodle 圖案元素，Send畀親朋戚友就最啱！影相之餘，記得睇埋每30分鐘一場嘅「奇藝」大笨鐘藝術動感表演，包你有驚喜！

另外，Mira Place 1 二樓長達40呎既行人天橋都被密集式塗鴉侵襲，紅紅綠綠嘅畫作全都係Mr. Doodle嘅真跡，效果超震撼！

就連喺Mira Steps嘅樓梯都有Doodle圖案，絕對係另一型格打卡位，各潮人必去！

千祈唔好唔忘記Mira Place 2 二樓嘅「Explore Mr. Doodle in the Dark」! 原來喺夜光效果下睇Doodle圖案，又會係另一種感覺，一齊去影張前衛放閃相啦！

除左影靚相，Mira Place仲聯同Mr. Doodle 設計多項『Mr. Doodle Challenge』慈善挑戰，包括：「藝高人膽大」電流棒、扭計骰同Photo Hunt (網上挑戰) 。只要參與有關挑戰，Mira Place就會為每位參與者捐出HK$10畀智行基金會，幫助受愛滋病影響的兒童及青少年，限時內完成更可獲得 Mr. Doodle限量版便條貼?！好玩兼可以做善事，你冇理由唔玩呀嘛？