港女被男友阿媽當外人兼狂鬧！坐梳化被當眾怒斥：外人坐番圓凳！
婆媳關係一向是世紀難題之一，若然未過門已被伴侶的母親惡意相待，大家又會如何處理呢？最近一位女網友於討論區發文，指中秋節時到男友家做節時不但被對方媽媽冷淡對待，更在眾人面前責罵自己：「當呢度自己屋企啊？」，而男友對此竟沒有任何反應，令她相當難受！
＃被男友媽媽當外人狂罵
不少情侶都會在特別節日拜訪對方家人以表誠意，而一位港女就於 Dcard 分享了她中秋節到男友家晚飯時的不愉快經歷。她指當晚男友家中除了對方父母外，還有幾位親戚在場。因為男友媽媽負責下廚，於是她就與其他親戚一起在廳「打機」等候開飯。期間一位女親戚因看到她從入屋後便一直站立著，於是便貼心地讓出一點梳化位給她坐，怎料男友媽媽看到後便大聲喝罵她：「企起身！做咩啊你依家？當呢度自己屋企啊？外人坐番圓凳！」
事主表示當下被嚇到「冇聲出」，尊重起見已立即站起來，但對方仍然繼續罵：「嚟到我哋屋企都唔識主動幫手，一嚟就響度玩，一啲貢獻都冇！」其後不論是吃飯還是聊天時，男友媽媽都對她「眼超超」。事主直言還有更多，但就不作多說「再講對眼又開始濕...」。
＃事主慘被責罵：好hurt
事主坦言男友媽媽的話語令她大感受傷，自問自己算是做足了基本禮儀，例如當日買了蛋糕上去請大家吃、入屋有逐一向長輩親戚打招呼等，之所以沒有入廚房幫忙，是因為看到廚房已有男友媽媽和工人兩個人，怕自己入去會添亂，加上自己比較擅長與小朋友相處，才會留在廳陪表弟妹打機。
事主表示若然男友媽媽要求幫忙定必會做：「只要你開聲我點會 say no，點解要咁強調我係外人？」而她男友目睹一切竟然沒有幫她說過一句話：「第一個出黎幫我嘅，竟然係讓梳化俾我嘅姨姨... 」她認為這麼小事對方媽媽已罵得如此狠，不知道以後該怎樣相處下去。
＃網民直斥事主男友+媽媽過份
不少網民都相當心痛事主的經歷，紛紛指責男友媽媽的說話十分過份：「你去到人哋屋企過門都係客人，唔係去賣身做妹仔」、「好難譜，完全唔識尊重唔比面人」、「樓主你要記住你都係你屋企人嘅寶貝女，唔好咁委屈自己」。
另一方面亦有網民認為事主男友應負上大部份責任：「你男朋友見你比人鬧都完全唔幫口，你地都唔洗旨意有將來架啦」、「你當下男朋友聲都唔聲，就應該起身即刻走」、「當刻佢即時冇護航，任由自己親人去侮辱你，你喺佢心目中嘅地位可想而知，就算佢尊重屋企人，都唔可以攞你當作犧牲品。」
大家又點睇呢？
Text：Girlstyle Editorial
Photo Source：劇照，Dcard討論區
延伸閱讀：
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
