雪姨不介意男友搵錢少︰會追我已經好有勇氣！自爆著重外在條件，靚仔住劏房都願意？

由蝦頭及連詩雅（Shiga）主持的訪談節目《絲打圍爐》早前請來人稱「富貴KOL」的YouTuber雪姨（容可兒）作客，大談擇偶條件~雪姨表示不介意男友搵錢比自己少，坦言男方敢追自己已經好有勇氣，更自爆著重外在條件，靚仔但住劏房都願意？

雪姨繼前年一炮過以950萬現金買入北角寶馬山花園的豪宅送給媽媽養老後，近月又以3,000萬買入北角半山2400呎的複式單位，加上不時拍片送禮寵員工，富貴程度令人羨慕~

不過，雪姨亦曾公開表示自己是公屋出身，白手興家，有超強生意頭腦的她目前更坐擁8間公司，不但經營經理人公司，更與藝人陳凱琳合作搞生意！雪姨在《絲打圍爐》直言自己的興趣是做生意，邊學邊做~

唔介意男友搵錢比自己少！

事業蒸蒸日上的雪姨更坦言不介意男友搵錢比自己少，「總之我鍾意就得，最緊要佢自己賺到生活所需」~雖然不介意另一半的收入，不過雪姨就表示不能接受要自己養埋另一半，「佢一定要有獨立嘅經濟能力」！

雪姨︰佢會追我已經好有勇氣！

蝦頭追問，如果男方介意自己搵錢少，雪姨會怎樣做？雪姨卻直言︰「佢會追我已經好有勇氣！」一眾主持更笑指平時追女仔要送花和小禮物，但送畀雪姨就要買車同樓！雪姨亦表示就算買咗個好靚的手袋，大概只會開心3至5秒就無感覺~

雪姨再解釋追自己的男生要有勇氣，因為兩人之間的感情事有機會被攤出來討論，又因為雪姨做生意收入會浮動，男方都要接受這些事~

雪姨又提及自己的擇偶條件，表示對方一定要在某一個範疇有令雪姨欣賞的才華，「如果我真係睇中佢嘅才華，不如我入股落佢間公司，幫佢將間公司搞起佢。」令眾人都表示︰「雪姨，我不想努力了！」

外型滿分，但住劏房都願意！

雪姨又表示自己著重另一半的外在條件，如果一個男人有錢但又肥又醜，而另一個沒有錢但靚仔，雪姨想都沒想就表示會揀靚仔，「無錢都過關啦，靚仔同body係最重要」，更指如果男方住劏房，但外型滿分都願意，激動表示︰「我租畀佢啦！」

雪姨又補充指，其實兩人之間最緊要相處舒服，可以攞個真心出來！

鍾意照顧另一半！

自小在單親家庭長大的雪姨又表示自己鍾意照顧另一半，無論是生活上的事情，或是家中的水電煤﹑租務都可以一一辦妥，不用對方操心，「我鍾意做照顧者，仲好過用錢留住男人！因為你令到佢生活上唔可以無咗你」~看來做雪姨的另一半的確很幸福！

Text：Girls editorial

Photo Source：IG@陳楨怡﹑周子揚

延伸閱讀：

雪姨3千萬北角半山豪宅曝光，連天台一共2400呎！巨型天台裝修成露天按摩池、戶外影院？